HusnesNett

MENY

Lag/organisasjonar

Julivandringar 2010

Webkamera, båthamner

Dagens bilete

Forskjønning av Husnes

Sjå fleire bilete her

Meiningsmåling

Er det rett av politikarane i Kvinnherad å stramma inn på skjenkjetidene for utestadene?

Ja

Nei

Er usikker

Søk

REDAKSJON:

redaksjonen@husnesnett.no

Geir Remme (foto)
Tlf. 901 60 615

Magne Fitjar (tekst og foto)
Tlf. 957 86 240

Kristian Hus (tekst og foto)
Tlf. 995 20 864

Dag Remme (video)
Tlf. 901 60 685


GRAFISK DESIGN:
Multipleks

TEKNISK UTVIKLING:
iDrift AS

Linkar

Samlingsfest i bedehuset søndag

Hausten er her – og dei ulike aktivitetar er i ferd med å starta igjen etter sommar og ferie. I Husnes bedehus vil ein markera oppstart av haustsemesteret med samlingsfest førstkomande søndag, melder Arne Lindekleiv. Torstein Aarthun skal ha andakt, og den nye soknepresten Ole Kristian Due vil delta. Det blir elles song og musikk og servering av kveldsmat.
Arrangørane håpar at mange vil finna vegen til Husnes bedehus denne kvelden, både frå Husnes og bygdene omkring.

03.09.2010

Betre trafikkale tilhøve ved Sunde oppvekstsenter

Det er denne eigedomen ved sida av skulen rådmannen vil at kommunen skal kjøpa. (Foto: Kristian Hus)

Trafikksituasjonen ved Sunde oppvekstsenter har lenge vore svært uoversikteleg. No vil kommunen gjera noko med tilhøva, blant anna ved å kjøpa ei nabotomt og bruka delar av ho til trafikkføremål.
– Eit steg i rett retning, jublar verksemdleiar Einar Opdal.

03.09.2010

KRIK startar opp igjen i kveld

''Time out'' med info og ord til ettertanke. (Foto: Jan-Ove Fagerheim)

KRIK Husnes har heilt sidan 90-talet hatt samlingar i gymsalen ved Undarheim skule. På samlingane driv dei med ulike ballspel og mange artige stafettar og aktivitetar. I kveld, fredag 3. september, er det full fart igjen etter sommarferien.

03.09.2010

Opningsfest ved KVV:
– Ein fargerik brikke i fylket sine skuletilbod

Dei første politiske signala om utbyggjinga ved KVV kom i 2006 og då fekk eigedomssjefen i fylket ein spade og klar beskjed om at skulen var klar til å setja i gang. I dag fekk rektor Audun Bjelland spaden i retur, utan særlege merke om at han i mellomtida har vore brukt. Men ein flott skule er det likevel blitt, framheva mange under opningsfesten. (Foto: Geir Remme)

• Fantastisk
• Eit kjempeløft
• Topp moderne
• Særeigen arkitektur
• Ein fargerik brikke i fylket sine skuletilbod
• Ein stor dag.

Superlativa sat laust då ''nye'' Kvinnherad vidaregåande skule vart opna torsdag. Både fylket sin eigedomssjef, fylkesordføraren, opplæringsdirektøren, rektoren ved skulen og ordføraren i Kvinnherad, skrytte alle over den nye og fine skulen – og arbeidet som er gjort.

SJÅ VIDEO FRÅ OPNINGA PÅ NESTE SIDE

02.09.2010

Nye Noreq-kontraktar til 22 millionar – og inn på nye marknader

Firmaet Noreq AS på Husnes har dei siste vekene inngått kontraktar til ein verdi av 22 millionar kroner. Svært oppløftande, seier adm. direktør Styrk Bekkenes i ei pressemelding. Kontraktane, som er dei aller første for Noreq sin del i Korea, inneber at selskapet er kome inn på heilt nye marknader.

02.09.2010

Sykkel-proff skal motivera bankkundar

Dag Otto Lauritzen har ein lang sykkelkarriere bak seg. (Pressefoto)

Næringslivskundar i SpareBank 1 Stord–Kvinnherad–Odda er neste onsdag inviterte til kveldsseminar i Rosendal om motivasjon, teamarbeid og kva som skal til for å lukkast. Den tidlegare sykkelproffen Dag Otto Lauritzen frå Grimstad skal vera føredragshaldar.

02.09.2010

Flest 40-åringar les HusnesNett

Berre fire prosent under 20 år les HusnesNett. (Foto: Geir Remme)

Folk mellom 40 og 50 år er dei ivrigaste brukarane av HusnesNett. Det viser vår uhøgtidelege meiningsmåling, som lesarane har kunna svara på i halvanna veke. Blant svara som er avgitt er meir enn 24 prosent i denne aldersgruppa.

01.09.2010

Søkjer om tomt for 20 husvære på Husnes

Det omsøkte arealet ligg mellom Bogsnesvegen og gamlevegen rundt kyrkja.

Trelasten AS og arkitektfirmaet LEAD Inc. AS søkjer i fellesskap om å få kjøpa ei sentral tomt på Husnes til eit nytt sentrumsnært bustadprosjekt. Planen er å byggja to bustadeiningar med om lag 10 husvære i kvar.
Bustadene skal vera spesialutvikla for personar frå 60 år og oppover, som ønskjer å flytta frå heimen sin for å få ein meir lettstelt, sosial og trygg stad å bu.

Høyr intervju med Gretha Rød under ''Lyden av Kvinnherad''.

01.09.2010

Satsar på Stord sjukehus

Foto: Helse Fonna.

Det siste året er det investert rundt 30 millionar kroner for å sikra framtidig drift av Stord sjukehus (bildet). Det kjem m.a. kvinnheringane til gode. I dag er styra i Helse Fonna og Helse Vest samla til fellesmøte der dei store investeringane i infrastuktur, samt framtidige planar for renovering av bygg og oppgradering av medisinsk utstyr, er hovudtema.

Sjå Helse Fonna sin video med Reidun Rasmussen Mjør på neste side.

01.09.2010

Snart hjortejakt – 1513 dyr kan fellast

31.08.2010

Vellukka fotohistorisk kveld i Rødtunet

31.08.2010

Trio-jentene tapte for sterkt Askøy-lag

30.08.2010

Brislingfisket i gang – gode fangstar til no

30.08.2010

Mannskap på ''smykke'' frå krigen

30.08.2010

Bustadprosjekt for 60 +

– Dette blir eit alternativ til alders- og sjukeheim for personar over 60 år, som vil ha ein trygg og sosial plass å bu på sine eldre dagar, seier sivilarkitekt Gretha Rød. Det nye bustadprosjektet som LEAD Inc. og Trelasten AS no har søkt om tomt til på Husnes, kan etter planen stå ferdig i 2012. Men då må kommunen med politikarane i spissen skunda på for å få ferdig ein reguleringsplan, og seia ja til prosjektet.

Intervju og redigering: Kristian Hus

Publisert 01.09.10.

Trur ikkje på nytt ferjestø på Halsnøy

Kommunepolitikar Ole Torbjørn Holmedal (Frp), som òg er styreleiar i Fastlandsamband Halsnøy AS, har lita eller ingen tru på at det nokon gong kjem eit nytt ferjestø på øya. Som alternativ til dagens ferjestø på Ranavik, ser han for seg at Sunde ein gong i framtida kan bli teke i bruk att. Men det beste alternativet, ifølgje Holmedal, er eit nytt ferjestø i Bogsnes på Husnes til Tysnes (sjå kart) og tilknyting til Kyststamvegen der.
Det viktigaste på kort sikt, er likevel å få eit nytt ferjestø på Stord, slik at seglingstida til og frå Kvinnherad kan innkortast, seier Frp-aren i dette intervjuet.

Intervju og redigering: Kristian Hus

(Publisert 22.08.10)

– Ei handsrekning til næringslivet

Reduksjonen i bompengetaksten frå 320 til 200 kroner for tunge køyrety er ei handsrekning til næringslivet i distriktet. Det meiner styret i tunnel-selskapet, som med dette tiltaket ønskjer å stimulera til trafikkauke. Etter opninga for to og eit halvt år sidan har mykje av tungtrafikken funne andre vegar, truleg mest på grunn av den høge taksten.
– Kan vi få 15 – 20 fleire passeringar av tyngre køyrety per dag, vil det meir enn kompensera for bortfallet av inntektene når prisen blir sett ned, seier styreleiar i tunnelselskapet, Ole Torbjørn Holmedal.

Intervju og redigering: Kristian Hus

(Publisert 20.08.10)

Gler seg til skuletida

– Eg skal bli doktor, svarer Aina Karin Osmundsen kontant då HusnesNett vil vita kva ho skal bli når ho blir stor. På den første dagen i første klasse ved Undarheim skule er 6-åringen krystallklar om yrkesvalet sitt.
Anders Olai Fjellandsbø veit ikkje heilt sikkert, men han likar både skriving, teikning og endåtil matte, fortel han. Dessutan skal han få seg ein skjempesvær båt.
Begge dei to førsteklassingane har hatt ein kjekk sommar, men gler seg no over å få begynna på skulen.

Intervju/redigering: Kristian Hus
Foto: Geir Remme

(Publisert 18.08.10)

– Lite gjennomtenkt å føreslå nedleggjing av SØRAL!

– Ideen om å leggja ned aluminiumverka på Husnes og Karmøy for å spara Hardanger for skjemmande kraftliner, kan ikkje vera særleg gjennomtenkt. Det seier stortingsmann Magne Rommetveit (Ap), som i dette intervjuet med HusnesNett viser til at det er brei politisk vilje om at den kraftkrevande industrien i vår region skal bestå. Difor har han ikkje noko til overs for slike akademiske vurderingar, som blant andre professor Steinar Strøm kom med sist veke.
– Husnes og andre stader på Vestlandet er industrisamfunn, og då må vi leggja til rette for det, seier ein ferierande stortingsmann i dette intervjuet. Men Rommetveit vedgår likevel at han personleg skulle ønskt seg ei anna løysing.

(Publisert 26.07.10)

Eldre saker

29.08.2010

Framleis ikkje rydda etter trafikkulukke

Det er framleis ikkje rydda etter trafikkulukka på Langgot i månadskiftet juni-juli. Ein ung bilist fekk skrens, og knekte ein stolpe tvert av før bilen hamna i sjøen. Føraren kom utruleg nok frå det med berre mindre skader.
Stolperestane og leidningane ligg framleis i vegkanten etter ulukka. Eine leidninga heng berre meteren over stolperestane, to månader etter ulukka.

Dette er ikkje bra!

28.08.2010

Takkoffer til flaumkatastofen i Pakistan

Arbeidsutvalet i Husnes og Holmedal sokn har vedteke at takkofferet denne søndagen
skal gå til Kirkens Nødhjelp sitt arbeid for å hjelpa dei som er råka av den enorme
flaumkatastrofen i Pakistan.

28.08.2010

Gruvearbeidarsongen

Nyhendeveka har vore full av dramaet til dei 33 chilenske gruvearbeidarane som vart funne i live etter 17 dagar, og som sit fast 700 meter under jorda, uvisst kor lenge. Det fører tankane til ein gruvearbeidarsong frå Asturias i det nordlege Spania.

Annonsar