|  | |
| MENY |
| | | | | | | | | | Dagens bilete |  | | | Søk | |
| | REDAKSJON: | | | | Linkar | | |
|
|
Husnes er «Årets gjestehavn» |  | | Båtfolk likar seg på Husnes. (Foto: Geir Remme) |
| | | | Båthamna i Uskedalen kom på tredje plass i avstemminga, medan Rosendal vart nummer sju i sin aller første konkurranse blant Båtmagasinet sine lesarar. | | | Det er andre gong Husnes får utmerkinga «Årets gjestehavn» av Båtmagasinet sine lesarar. Også i 2006 vann Husnes denne konkurransen. For to år sidan vart det ein fjerdeplass, medan dei kom på andreplass i fjor.
Tidlegare er Husnes også blitt kåra til den beste båthamna både av NRK Hordaland sine lyttarar og av Dagbladet.
Likar seg på Husnes
– Dette er veldig oppløftande, seier leiar i Husnes Båtlag, Agnar Melkersen til HusnesNett. Han meiner utmerkinga er eit godt bevis på at båtfolk likar seg her, og at dei set pris på servicen dei får.
Båtlagsleiaren gjev først og fremst hamnevertane æra for at det går så bra og skryt over deira innsats. Men i tillegg til alle gjestene som kjem hit år om anna, er det like viktig at medlemene i båtlaget òg trivst i hamna.
I fjorårssesongen registrerte Husnes Båtlag kring 3200 gjestedøgn, og i år ser det ut til at det blir endå fleire.
På kartet
– Båthamna set så absolutt både Kvinnherad og Husnes på kartet, og no er vi like godt kjent på landsplan som Baroniet, seier ein glad Agnar Melkersen.
| | | | Han meiner det er ein kontinuerleg og krevande jobb å oppretthalda den statusen som båthamna etter kvart har opparbeidd seg. Det forpliktar, seier han.
| | | |
| | | | AV KRISTIAN HUS
| | | | | | | |
|
| |
|
| | 
Bustadprosjekt for 60 + – Dette blir eit alternativ til alders- og sjukeheim for personar over 60 år, som vil ha ein trygg og sosial plass å bu på sine eldre dagar, seier sivilarkitekt Gretha Rød. Det nye bustadprosjektet som LEAD Inc. og Trelasten AS no har søkt om tomt til på Husnes, kan etter planen stå ferdig i 2012. Men då må kommunen med politikarane i spissen skunda på for å få ferdig ein reguleringsplan, og seia ja til prosjektet. Intervju og redigering: Kristian Hus
Publisert 01.09.10. | 
Trur ikkje på nytt ferjestø på Halsnøy Kommunepolitikar Ole Torbjørn Holmedal (Frp), som òg er styreleiar i Fastlandsamband Halsnøy AS, har lita eller ingen tru på at det nokon gong kjem eit nytt ferjestø på øya. Som alternativ til dagens ferjestø på Ranavik, ser han for seg at Sunde ein gong i framtida kan bli teke i bruk att. Men det beste alternativet, ifølgje Holmedal, er eit nytt ferjestø i Bogsnes på Husnes til Tysnes (sjå kart) og tilknyting til Kyststamvegen der.
Det viktigaste på kort sikt, er likevel å få eit nytt ferjestø på Stord, slik at seglingstida til og frå Kvinnherad kan innkortast, seier Frp-aren i dette intervjuet. Intervju og redigering: Kristian Hus
(Publisert 22.08.10)
| 
– Ei handsrekning til næringslivet Reduksjonen i bompengetaksten frå 320 til 200 kroner for tunge køyrety er ei handsrekning til næringslivet i distriktet. Det meiner styret i tunnel-selskapet, som med dette tiltaket ønskjer å stimulera til trafikkauke. Etter opninga for to og eit halvt år sidan har mykje av tungtrafikken funne andre vegar, truleg mest på grunn av den høge taksten.
– Kan vi få 15 – 20 fleire passeringar av tyngre køyrety per dag, vil det meir enn kompensera for bortfallet av inntektene når prisen blir sett ned, seier styreleiar i tunnelselskapet, Ole Torbjørn Holmedal. Intervju og redigering: Kristian Hus (Publisert 20.08.10) | Gler seg til skuletida – Eg skal bli doktor, svarer Aina Karin Osmundsen kontant då HusnesNett vil vita kva ho skal bli når ho blir stor. På den første dagen i første klasse ved Undarheim skule er 6-åringen krystallklar om yrkesvalet sitt.
Anders Olai Fjellandsbø veit ikkje heilt sikkert, men han likar både skriving, teikning og endåtil matte, fortel han. Dessutan skal han få seg ein skjempesvær båt.
Begge dei to førsteklassingane har hatt ein kjekk sommar, men gler seg no over å få begynna på skulen. Intervju/redigering: Kristian Hus
Foto: Geir Remme (Publisert 18.08.10) | – Lite gjennomtenkt å føreslå nedleggjing av SØRAL! – Ideen om å leggja ned aluminiumverka på Husnes og Karmøy for å spara Hardanger for skjemmande kraftliner, kan ikkje vera særleg gjennomtenkt. Det seier stortingsmann Magne Rommetveit (Ap), som i dette intervjuet med HusnesNett viser til at det er brei politisk vilje om at den kraftkrevande industrien i vår region skal bestå. Difor har han ikkje noko til overs for slike akademiske vurderingar, som blant andre professor Steinar Strøm kom med sist veke.
– Husnes og andre stader på Vestlandet er industrisamfunn, og då må vi leggja til rette for det, seier ein ferierande stortingsmann i dette intervjuet. Men Rommetveit vedgår likevel at han personleg skulle ønskt seg ei anna løysing. (Publisert 26.07.10) | | 03.09.2010 | Samlingsfest i bedehuset søndag | Hausten er her – og dei ulike aktivitetar er i ferd med å starta igjen etter sommar og ferie. I Husnes bedehus vil ein markera oppstart av haustsemesteret med samlingsfest førstkomande søndag, melder Arne Lindekleiv. Torstein Aarthun skal ha andakt, og den nye soknepresten Ole Kristian Due vil delta. Det blir elles song og musikk og servering av kveldsmat.
Arrangørane håpar at mange vil finna vegen til Husnes bedehus denne kvelden, både frå Husnes og bygdene omkring. | | 03.09.2010 | Betre trafikkale tilhøve ved Sunde oppvekstsenter | Trafikksituasjonen ved Sunde oppvekstsenter har lenge vore svært uoversikteleg. No vil kommunen gjera noko med tilhøva, blant anna ved å kjøpa ei nabotomt og bruka delar av ho til trafikkføremål.
– Eit steg i rett retning, jublar verksemdleiar Einar Opdal.
| | 03.09.2010 | KRIK startar opp igjen i kveld | KRIK Husnes har heilt sidan 90-talet hatt samlingar i gymsalen ved Undarheim skule. På samlingane driv dei med ulike ballspel og mange artige stafettar og aktivitetar. I kveld, fredag 3. september, er det full fart igjen etter sommarferien. | | | | | Annonsar | | | |
| |
